◆筠B* |Daaa 日記子 ..[=3=] 我的 <<留言畫板>> <<好友連結>>
id=strangegirl 總篇數: 973Jan . Feb . Mar . Apr . May . Jun . Jul . Aug . Sep . Oct . Nov . Dec .
個人資料

中文名: Kwan B
英文名:
性別: 女
出生: 2/12/1986 (32歲)
所在: 香港-黃大仙區
ICQ:
個性: 你覺得呢?
興趣: 吃喝玩樂

更多個人資料...



寫新日記 : 管理 : 申請

顯示模式: 左右|上下|月曆

訂閱這個日記

2018 年 11 月 13 日 星期二 ( 65 天前 )
11/13

本來以為最近屋企關係變好左.. 點知又黎多次第3次世界大戰..

其實我唔明我阿妹點解咁鍾意一唔岩佢心意就發癲..

跟住又話要同幾隻小喵子一齊搬走..

係要當正屋企人係仇人.. 自己出面班垃圾朋友係最好!

唉... 做屋企人都係得果幾十年.. 點解係要搞到咁?

其實我都係唔捨得幾隻貓~~~

我地一家四口都係癲,, 一個又成日黑口黑口當正自己果邊屋企人先係家人~~

自己屋企又有無理過? 又有無關心過自己個女呀? 自己屋企未搞掂又要理埋果邊!

阿麻死之前果邊D人又有無理呀? 錢又有無人出呀? 個個見錢開眼!

一個又成日埋怨果邊D人以前點樣對佢~~ 無限LOOP放唔開!

我都講過架啦~ 點解當時你地唔離婚? 硬要勉強維持而家所謂既一家四口?

點解人地果兩家人可以咁團結感情咁好, 我地呢家人要咁呀?

人地成家可以拍拍屎忽咩都唔理掉個波過黎就算~~

最後家嘈屋閉又係我地!

同埋唔係你地姑姐, 阿伯, 阿麻係我細妹細個鬧佢打佢, 又淨係湊我唔湊佢,,

佢個人都唔會搞到心理咁偏激!

你地知唔知你地做呢D野係令到人成長有陰影!

同埋你地2家人又有無當過我地係親戚? 飲茶都自己約唔會搵我地~

真係唔知爸爸點解仲要當你地係親戚,仲要重要過我地!

唔知我地呢家人又幾時搞散埋呢~~~

<< 0 個回應>> <<我要回應>>


2018 年 7 月 24 日 星期二 ( 177 天前 )
7/24

終於睇完"致我們單純的小美好"

劇情不是太特別.. 都係寫實青春校園劇~

平凡女學生鍾意受歡迎既校草,, 好努力咁令對方鍾意自己~ 同時又有另一個好朋友鍾意自己~

最後能夠令到萬人迷喜歡自己!

不過睇完都會諗返曾經都試過係咁, 青春入面都總係會有一個江晨同一個吳柏松~

諗起以前留意左校草一年,, 鍾意佢既人真係唔少,,

其中我班有人係情人節送朱古力俾佢,, 最後佢去返我地班房門口叫個女同學出去~

女同學好開心咁出去,, 點知校草同班朋友還返盒朱古力俾佢~

嘿嘿.. 所以見完呢d點敢亂行動呢,, 平時互望下就算啦,!

第二年,, 話說已經留意左一年,, 咁岩同我好熟既男仔fd同左佢一班仲做埋fd~~

朋友同佢一齊叫我借書上堂,, 為左有講野既機會,, 我好厚面皮咁叫我朋友借埋佢本書俾人上堂用~

有次男仔fd遲返定點, 佢就自己黎搵我拎書,, 校花又咁岩企係我附近,,

校花朋友仲話校草係黎搵佢,, 但其實係黎搵我拎書!

果時我行前一步佢先行前一步,, 俾完佢.. 我仲好白痴咁問你食唔食糖呀~~~~

有時係canteen見到,, 同學仔會話我知佢入左黎呀,, 跟住一齊望過去..

果時應該幾明顯.. 哈哈

但阿男仔fd成日都話唔會介紹我識.. 我就會話介紹我識啦~

佢話校草係衰人.. 好悶架.. 所以女朋友先同佢分手..

又話校草唔曬得太陽,, 怕曬黑架~~

又話人地好受歡迎,, 生日好多女仔send生日快樂..

哈哈.. 同埋成日會feel到佢係附近,, 之後佢真係出現係附近..

就算畢業之後.. 都從不同人身上聽到佢消息..

那時能夠單純喜歡一個人.. 真的很快樂!

這就是我單純的小美好!

<< 0 個回應>> <<我要回應>>


2018 年 7 月 6 日 星期五 ( 195 天前 )
2018/7/6

尋晚睇完我妹個ig.. 又po埋d搬屋資料出黎話咩真心有興趣.

都唔明有咩原因令佢要日提夜提搬屋.

個地點係南Y島唔近碼頭既地方,, 而自己又係九龍返工.

再諗自己人工又唔係高,, 信用卡又爆埋..

我媽仲要前前後後俾左十萬佢~ 無錢又成日學人講搬~

就算有人夾.. 又係果d垃圾朋友,, 識埋都係垃圾朋友.

搵笨乜都有~ 同埋成日上網講到屋企人對你幾衰~

真係唔知屋企對你做過d咩~ 早午晚三餐食屋企又唔俾家用~

無錢用又有人俾你用~ 又有人服侍,, 但都要同屋企脫離關係咁款!

話班垃圾既阿媽唔會煮飯同煲湯水俾佢地飲,,

緊係啦~ 班垃圾又係連家用都唔俾,, 仲要每返半年工就玩半年!

其中一個肥婆之前照顧既貓病左都唔同佢睇醫生~

話籌到錢先睇, 自己有錢都唔出住先呀~ 扮咩有愛心救貓?

仲要連貓罐頭都唔俾錢買~ 上黎我屋企拎!

俾貓仔食唔係問題~ 個問題係扮偉大扮愛心但係連幾十蚊罐頭都唔捨得買!

都唔明D人咁樣都仲覺得呢D街外人好~ 俾D垃圾搵笨都無問題!

仲幫人話唔通叫人用自己D錢救貓~ 但貓仔其中一個原因都係你地延誤醫治~

你而家真係連黑白是非都唔識分~

有時黑心D諗希望你班垃圾FD背叛你.. 等你識回頭是岸覺得屋企人好~

唉.. 你搬實帶走埋d貓! 我只係唔捨得4隻小喵子 ><"

<< 0 個回應>> <<我要回應>>


2017 年 12 月 2 日 星期六 ( 411 天前 )
12/2

祝自己生日快樂! 希望日日都可以開開心心~

下晝同左mami去飲茶,, 夜晚先同男朋友食飯!

本身話左食道頓堀架ma.. 因為得返walkin呀~

都係去左食Mr. Steak,, 呢間都係第一次食!

呢幾日食太多牛,, 只好揀豬扒.. 但都幾味,,

都係咁樣平平淡淡就過左~

收住張生日卡先,, 禮物真係諗唔到要咩~

愈大愈無咩特別野想要..

最後因為本來想買鞋.. 只好叫佢幫我過數當生日禮物算

哈哈

<< 2 個回應>> <<我要回應>>


2017 年 12 月 1 日 星期五 ( 412 天前 )
12/1

同laam laam一齊慶祝生日..

去左徐ying ying介紹話旺角有間個景好靚既餐廳食

係既睇open rice張相係真係幾靚架

現在就實物與相片不符啦.. 哈哈

跟住呀個男仔落單淨係用個腦記無寫低..

仲要連續落左2張台.. 最後都真係落錯單既~

拎碟雞搥過黎話個同事落錯單叫我地可唔可以要左佢~

laam laam話唔可以.. 要返碟雞軟骨..

不過個男仔話個同事落錯單,, 但明明幫我地落單果個係佢.

之後去左MOKO food court度切蛋糕呀.. 貼心徐買左2個蛋糕俾我地一人一個.

好好笑.. 蛋糕上放埋bbh個立牌,, 好驚喜呀!!! 估唔到~

之後又係咁影相~~ 又感嘆仲未接受到而家呢個年齡呀!!

其實到左呢個3字頭都已經一年啦~~

都仲係未接受到,, 仲係成日好不安咁

感覺呢個年紀好大責任!

<< 0 個回應>> <<我要回應>>


總日記數: 973下一頁 瀏覽人次: 13085